महिला व्यावसायिकांसाठी ‘ई-दुकानदारी’ वर व्याख्यान

जागतिक महिला दिना निमित्त मराठी वेबसाईट्स डॉट कॉमने महिला व्यावसायिकांसाठी ई-दुकानदारी या विषयावर मोफत व्याख्यान आयोजित केले आहे.

भारतातील इंटरनेट व ई-कॉमर्सचा वापर अत्यंत झपाट्याने वाढत आहे. आपल्या व्यवसायाच्या वृद्धीसाठी या अत्याधुनिक माध्यमांचा वापर करणे हे सर्वच व्यावसायिकांसाठी महत्वाचे बनत चालले आहे. विशेषतः जाहिराती व मार्केटींगसाठी मोठा खर्च करण्याची क्षमता नसणाऱ्या छोट्या व्यावसायिकांना अथवा घरगुती उत्पादकांना इंटरनेट व ईकॉमर्सचा योग्य वापर करून घेऊन आपल्या व्यवसायाचा विस्तार झपाट्याने वाढवणे शक्य आहे.

महिला दिनाचे औचित्य साधुन आयोजित केलेल्या या व्याख्यानामध्ये, महिला व्यावसायिक,घरगुती उत्पादक व बचतगट यांना आपल्या व्यवसायाच्या वृद्धीसाठी इंटरनेट आणि सोशल मिडीयाचा अधिकाधिक वापर कसा करता येईल, तसेच अत्यंत कमी खर्चात स्वत:चे ई-दुकान थाटून आपल्या उत्पादनांची ऑनलाइन विक्री कशी करता येईल याविषयी मार्गदर्शन करण्यात येईल.

मराठी वेबसाईट निर्मितीच्या क्षेत्रामध्ये गेली ३ वर्षे सातत्याने काम करणारे श्री प्रसाद शिरगांवकर हे या सत्राचे व्याख्याते आहेत.

प्रवेश विनामूल्य. मर्यादित जागा असल्याने पूर्वनोंदणी आवश्यक. नोंदणीसाठी संपर्क - ८८८८८१०६०० / ८८८८८ १०६०१.

शुक्रवार, दि. ९ मार्च रोजी दुपारी २.०० ते ४.००
स्थळ: पत्रकार भवनाचे कमिन्स सभागृह, गांजवे चौक, नवी पेठ, पुणे